সোসিএল ৱেলফিয়ৰ
দিস্ত্ৰিক সোসিএল ৱেলফিয়ৰ ওফিস বিষ্ণুপুৰ গী মখাদা পায়খৎপা থবক থৌরমশিং
দিস্ত্ৰিক সোসিএল ৱেলফিয়ৰ ওফিস বিষ্ণুপুৰ না অহল ওইরবশিং অমদি নাম্মা শোয়রবা মীমান্নদ্রবশিংগীদমক মখল মখা কয়াগী য়াইফা থৌরাংশিং পায়খৎলি।
অহল ওইরবশিংগী য়াইফা থৌরাং
- এম.ও.এ.পী.এস:- থৌরাং অসি লাইরবা ঈমুংগী অহল ওইরবশিংদা থাগী লুপা ২০০(চনি) পেন্সন ওইনা পীবা য়াবা থৌরাংনি।লাইরবা ইমুংগী চহি ৬০গী মথক্তা লৈবা নুপাশিংদা শেনফম অসি ফঙহল্লি।
- আই.জী.এন.এ.পী.এস:- থৌরাং অসি চহি ৬০ অমদি ৮০গী মনুংদা লৈবা অহলশিংদা থাদা লুপা ২০০ পীবা থৌরাংনি থৌরাং অসিগী মখাদা চহি ৮০ অমসুং মসিগী মথক্তা লৈবা মীওইশিংগী ওইনদি থাগী শেনফম অসি লুপা ৫০০ ওই।
- আই.জী.এন.ডব্ল্য়ু.পী.এস:- :- থৌরাং অসি মীমান্নদ্রবা চহি ৪০ সুরবা নুপীশিংদা থাগী পেন্সন ওইনা লুপা ৩০০ পীবা থৌরাংনি। মখোয়না চহি ৮০ সুরম্লবা মতমদদি থাগী লুপা ৫০০ ফংগনি।
- আই.জী.এন.ডী.পী.এস:- থৌরাং অসিগী মখাদা চহি ১৮ সুরবা মীওইদা থাগী লুপা ৩০০ পী। চহি ৮০ সুরবা মতুংদদি মখোয়না থাদা লুপা ৫০০ ফংগনি।
- অন্নাপুরনা স্কিম:- থৌরাং অসি থা খুদিংগী চেঙ কে.জি.১০/১০ পীবগী থৌরাঙনি মসি চিঞ্জাক বাৎহনদনবা পায়খৎপা থৌরাঙনি। আই.জী.এন.ও.পী.এস কী কান্নবা লৌহৌদ্রবা অহলশিংনা কান্নবা অসি লৌবা য়াই।
- এন.এফ.বী.এস:- য়ুম পুরিবা মীওই অমা লৈখিদ্রবা থোক্লবদি অবাবা তহৌরিবা ঈমুং অদুগী ওইনা লুপা ২০০০০ অমুকখক্তমক ওইনা পীবা মতেংনি লৈখিদ্রবা য়ুম পুরম্বা মীওই অদু চহি ১৮গী মথক অমসুং ৬০গী মখা ওইগদবনি।
নাম্ম-শোয়রবশিংগী য়াইফ-থৌরাং
নাম্ম শোয়বা ছাত্রাশিংদা পীবা স্কোলরশীপ
- নর্সরী দগী ক্লাস-৫ : লুপা ২০০
- ক্লাস-৬ দগী ক্লাস-১২ : লুপা ৩০০
- জেনেরেল/ডিপ্লোমা লোইরবশিংদনা থাদা: লুপা ৪০০
- বী.ঈ/এম.বী.বী.এস/এল.এল.বী/পী.এচ.ডী লোইরবশিংদনা থাদা: লুপা ৬০০
মখোয়শিং অসি মনিপুরদা পোকপা নত্ত্রগা চহি ১০দগী তাদনা লৈরক্লবা মীওইশিং ওইগদবনি লোয়না দিসএবিলিতি সরতিফিকেত পায়বা ওইগদবনি।
থবক ফঙদবশিংদা পীবা মতেং
মখোয়শিং অসি মনিপুরদা পোকপা নত্ত্রগা চহি ১০দগী তাদনা লৈরক্লবা মীওইশিং ওইগদবনি লোইননা চহি ১৮দগী ৪৫ ফাওবগী মনুংদা লৈবা দিসএবিলিতি সরতিফিকেত পায়বা ওইগদবনি।
এন.জী.ও শিংদা গ্রন্ট-ইন-এড পীবা
কান্নবা অসি নাম্ম শোয়রবশিং খক্তনা নত্রগা ম.আই ওটিসম অমদি ম.ডিগী মখাদা নাম্ম শোয়রবশিংগী মমা-মপানা শেম্বা রেজিষ্ট্রার তৌরবা নজিওশিংনা লৌবা য়াই।