মাৰ্চ ২০১৫ দগী থবক তৌবা হেক হৌরকখিবদগীনা চাইলদ লাইন বিষ্ণুপুৰ না য়াম্না লায়রবা অমদি মরাইবক থীরবা অঙাংশিং হাইবদি মখোয়গী হক অমদি হিংবগী থাক্কী খুদোংচাবশিং অদু মৎপীবা নত্রগা থম্মোয় পান্দবা মী খুজোক খরগী মখুত্তা অবাবা তারবা অঙাংশিংদা তঙাই ফদনা চঙবা খুদোংচাবশিং পীদুনা লাক্লি।
খঙবগী চুশিননবগী হোৎনবগী অমদি থবক পাঙথকপগী খুদোংচাদবা বা লৈজরবসু চাইলদ লাইন বিষ্ণুপুৰ না তৌরিবা থবকশিং য়ারিবমখৈ পেনবা য়াবা থাক্তা পীনবা হোৎনদুনা লাকই। চহিসি হৌরকপদা অঙাংশিংগী মতাংদা ৰিপোৰ্ত খরদমক ফংলম্লবসু সুম চংশিল্লকল্বা কান্দদি মশিং ফনা য়ম্না য়াম্বা হায়বদু ওইরে। মসিনা তাকপদি চাইলদ লাইন বিষ্ণুপুৰনা অঙাংশিংগী ইসু অসি পাক শননা ইয়েংই হায়বা er তাই। অসুম্না চাইলদ লাইন বিষ্ণুপুৰ না ঙমজবা থবকশিং পাঙথোক্তুনা ইস্টেত হোলদৰ শিংগা অফবা মরি শাগত্তুনা অমদি মীয়াম ইস্টেত হোলদৰ শিং অমদি মরি লৈনবা পুম্নমক্তা বাখল টাহন্দুনা য়ারিবমখৈ ইসু শিং মশিং হন্থহন্নবা হোৎনদুনা লাক্লি।
চাইলদ লাইন বিষ্ণুপুৰ না তুংদা থেংনরকপা খুদোংচাদবা ময়াম থেংনবা ঙম্নবা পাঙথোকপা ওইনা থবকশিংগী মনুংদা ডিস্ত্ৰিক মনুংদা লৈরিবা খুন্নাইসিগী তোঙান তোঙানবা ইস্টেত শিংগা মীফম পাঙথোকপা অসিমক য়াম্না মরু ওইবা থবক অমা ওইরিবনি অসুম তৌবসিনা লৈকাই মীয়ামশিংগা শম্নদুনা দাইত্য লৈনা থবক তৌবা ঙমহনব্দা নত্তনা বাখল লৌশিংসু হেনগৎহল্লী।
পাউ ফাউদোকনবা খঙমিন্নবা অমসুং অফবা মরী শাগৎপা হায়বসিনা তৌদবা য়াদ্রবা ওইনা খবাইদ্গী অহানবা ওইনা মতম পুম্বদা পায়খৎলি।চাইলদ লাইন এডভাইজৰি বোৰ্ড হায়বা অমা থমদুনা লৈঙাক্কী লোয়শংশিংগী মকোকশিংগা ঈ-পাউ ফাওদোকনবসিনা চাইলদ লাইন বিষ্ণুপুৰগী থবক থৌরমশিং য়েংশিনবীদুনা তিম সিনা লৈঙাক্কী থবক্তা অচৌবা ফিদা অমা কনবা ঙম্বগী খুদোংচাবদু ফংহল্লি।
অঙাংবু লল্লোনপোৎ ওইনা শীজিন্নবা (চাইল্ড ত্ৰাফিকিং) মত্তাংদা স্ত্ৰিত কোৰনৰ কেমপেন পাঙথোকপা অমদি ডিস্ট্ৰিক সিদা লৈরিবা ইস্টেত হোলদৰ শিংগা থাগী ওইবা মওংদা চাইল্ড ত্ৰাফিকিং গা মরী লৈননা লৈরিবা এক লো নচিংবগী মতাংদা ত্রেনিং পীবসিনা চাইলদ লাইন (১০৯৮) বিষ্ণুপুৰ না মসিগী থবক থৌরমশিং হেন্না ফগৎহনবগী য়ুম্ফম অমা শাগৎপা ঙম্লে।
চাইলদ লাইন বিষ্ণুপুৰ লিংখৎপা চহী অনিগী মনুংদা মসিনা চাইলদ লাইন গী মত্তাংদা মীয়ামদা ভাব তাহ্নবা অমদি ইস্টেত হোলদৰ শিংদা থাজবা ঙমহ্নবা অমদি খুদোংথিবা তারুরবা অঙাং কয়াবু মতেং পাংদুনা কলহৌবা ঙম্লে। অসিগুম্বা থবকশিং অসিনা অসুম্মক চৎথরি অমদি মতম পুম্বদা চৎথখিগনি।
চাইলদ লাইন বিষ্ণুপুৰ না বিষ্ণুপুৰ গী ৱাৰ্দ নং ৬ তা লৈবা ভারাগি কা অমদা ওফিস ওইদুনা ২০১৫গী মাৰ্চ ১ দগী থবক হৌখি। চাইলদ লাইন ২৪X৭ চাইলদ লাইন ইন্দিয়া ফাওন্দেসন গী মখাদা পায়খৎখিবা মিনিশত্ৰি ওফ ৱুমেন & চাইল্ড দিিলপমেন্ত গোৰমেন্ত ওফ ইন্দিয়া না সপোৰ্ত তৌবা প্ৰোজেক অমনি। চাইলদ লাইন বিষ্ণুপুৰঅসি চাইলদ লাইন ইন্দিয়া ফাওন্ডেসন, মম্বাই গী হকথেংনবা মীৎয়েং মখাদা লৈ।ন্য়ু লাইফ ফাওন্ডেসন থম্নাপোকপী মসিগী অমত্তা ঙাইরবা কসতোদিয়ান ওইদুনা মসিগী থবক থৌরমশিংবু মোনিতৰ গাইদ অমদি কন্ট্ৰোল তৌদুনা চাইলদ লাইন বিষ্ণুপুৰনা প্ৰোজেক অসি পায়খৎলি।