পুৱারী
বিষ্ণুপুর সি অহানব্দা লমমাংদোং (হৌজিক্কী লমাংদোং) হায়না কৌনরম্মী ১৪৬৭ A. D. দা কিয়াম্বনা নিংথৌ হেক ওইবগা কবো তমপাক্কী শরুক অমা অইরিবা শান লৈবাক্কী কিয়াং জয় তৌরম্মী। কিয়াং জয় তৌখি হায়বগীদমক মাগী মমীং কিয়াম্বা (কিয়াংবু ঙম্বা) হায়না খঙনখিরম্মী। কিয়াম্বগী মতমদা মৈতৈশিং অমসুং পোংশিংগী মরক্তা মতম চুপ্পদা অফবা মরী লৈরম্মী। মাগী মতমদা কিয়াম্বা অমসুং পোংগী নিংথৌ খে-খোম্বা অনিগী মরক্তসু অফবা মরী লৈরম্মী। অসুম্না ইয়ুমলোন্নবা লৈপাকশিংগা অফবা মরী থম্বা ঙম্বসি তশেংনমক কিয়াম্বা নিংথৌগী অফবা ফোরেন পোলিসি নি।
কিয়াম্বা নিংথৌনা কিয়াংবু লৌশিনবা পাম্লম্মী মরম অদুনা মহাক্কী লৈঙাক্কী শরুক তংখাই হেঞ্জিল্লকপা অদুবাইদা মহাকনা পোংগী নিংথৌ খে- খোম্বাগা লোয়ননা কিয়াংদা লান্দারম্মী। লান ঙম্লব্দা লৌশিল্লবা লমশিংদু নিংথৌ অনিগী মরক্তা ইয়েন্নরম্মী। মখোয় অনি সনাগী পুখমদা চাক চামিন্নরম্মী অমদি সনা পাত্রদা ঈশিং থকমিন্নরম্মী। মখোয়না মীনাই অমদি অখঙ-অহৈশিংসু ওন্থোক ওনশিন তৌনরম্মী। ঙসি ঐখোয়না চানরিবা পোং-হৈ (পুংদোন)অমদি পোং হবাই হাইনরিবা হৱাই মখল অসিসু পোং নিংথৌনা কিয়াম্বদা বিষ্ণু গী মুরতিগা লোয়ননা খুদোল তম্লক্খিবনি হায়নৈ কিয়াম্মবনা মাঙোন্দা পীরকখিবা বিষ্ণু গী মুরতিদু লম্মাংদোংদা থম্লম্মী। মসিগী মওংদগী বিষ্ণুগী লৈফমনি হায়বগীদমক লমমাংদোংবু বিষ্ণুপুর হায়বদি বিষ্ণুগী লৈফম হায়না খঙনরখি। মনিপুরদা বিষ্ণু পুজা তৌবগী থবকসি কিয়াম্বা নিংথৌগী হাকতক্তগীনি হায়না থাজনরি। মফমসিমক্তদনি নিংথৌ অমসুংব্রাহ্মন শিংনা ঈবুংঙো বিষ্ণুবু লাৎখিবা ব্রাহ্মন কয়াসু মনিপুরদা য়ুম হোংলকখি। কিয়াম্বা নিংথৌনা অসিগুম্বা অমবু থৌ পুহন্দুনা বিষ্ণুপুরদা বিষ্ণু চাং নাইনা লাতপা হৌরকখি মহাকনা বিষ্ণু গী লাইশং অমা চেকনা বিষ্ণুপুরদা শাখিরম্মী। হৌজিক্তি লাইশং অসি মিনিষ্ট্রি ওফ হর দি (আর্চিওলোজি ) গভর্নমেন্ট ওফ ইন্দিয়া না অরিবা পোৎশক ওইনা ঙাক শেন্দুনা থম্লে। লাইশং অসি অরিবা মতমগী খুদম চাংদম ওইনা ঙসিসু লৈরি। মতমদুগী লাইনিং অমদি বিষ্ণুপুরগী মীং অসিমক য়েংলুরগা পোং নিংথৌনা কিয়াম্বা নিংথৌদা পীরম্বা মুরতি অসিমক য়াম্না মরু ওই।
মখোয় অদুদিঃ-
- বিজয় গোবিন্দা (শগোলবন্দ ইম্ফালদা লৈবা)
- গোপীনাথ (নিংথৌখোংদা)
- নিত্যানন্দ (ইম্ফালদা)
- মদন মোহন (ইম্ফালদা)
- অনুপ্রভূ (ৱেস্ট বেংগল গী নবদ্ৱিপ)
- অবদৈত্য (হৌজিক বিষ্ণুপুরদা ইরাৎলিবা)
অতোপ্পা শিংথাহিংঙাই অইবা মরম অমগীদমক বিষ্ণুপুরসি পনব্দা মতিক চায়। নিংথৌ ভৈগ্যাচন্দ্রানা পানবা ইং কুমজা ১৭৮০দা শ্রী শ্রী গোবিন্দাজিগী মুরতি শাদুনা ইরাতখিবগী নুংঙাইরবা বারী অমসু লৈরি।বারী সিমসু হায়নৈ মদুদি নোংমা ভৈগ্যাচন্দ্রা মিংথৌগী মমংদা শ্রী শ্রী গোবিন্দাজি লাক্তুনা মাগী মুরতি শাদুনা ইরাৎনবা তাকপিরমখি। ভৈগ্যাচন্দ্রানা মবুংঙোগী য়াথং ইন্দুনা কাইনা চীঙদগী থৈবোঙ পাম্বী য়ান্দুনা গোবিন্দাজিগী মুরতি শাখিরম্মী। শ্রী শ্রী গোবিন্দাজিগী মুরতিগা লোয়ন্না অতোপ্পা মুরতি তরুকসু হায়রিবা থৈবোঙ পাম্বীসিদগী শারম্মী।
ঙসি বিষ্ণুপুর বিষ্ণু টেম্পল দা লাৎলিবা অপ্ত্যৈত্যাগী মুরতিসি ইং শোক ১৭৯৩দা শঙ্গাদুনা লাতপা হৌখি। মতমদুদগী হৌনা লাইফম কোয়বা অমাদি ভক্তা কয়ানা মফমসিদা লাকখিবনি।