ডিস্ট্ৰিক কী মৰমদা

বিষ্ণুপুর মতাংদা

বিষ্ণুপুর অসি মনিপুরগী কলা-সংস্ক্রতি অমসুং ধর্মগী ওইবা কোনুং হায়না কৌই.  মফম অসিদা ভগবান বিষ্ণু গী ফজরবা দোম-সেপ কী তেরাকোতানা শাবা লাইশং অমসুং ময়াম্না শকখংনরবা তাংলবা শঙাই লৈ. মনিপুরগী কোনুং ইম্ফালদগী কি.মি. ২৭ লাপ্পা মফম অসি হান্না লমলাঙদোং হায়নসু খংনরম্মী. অবাংদা সেনাপতি অমসুং ইম্ফাল বেস্ট, নোংচুপ্তা চুরচান্দপুর, খা-নোংপোক্তা চান্দেল, নোংপোক্তা থৌবালনা কোয়শিনবা মফম অসি জীলাগী লৈঙাক লোইশংসু লৈ. মফম অসি থোংজাওরোক তুরেলনা ফাওনা চেল্লি.

বিষ্ণুপুর গী প্রজা অমসুং কলা-সংস্ক্রতি

বিষ্ণুপুর দা লৈরিবা প্রজা অয়াম্বদি মনিপুরদা খ্বাইদগী মরুওইবা ইথনিক কাংবু ওইরিবা মৈতৈশিংনি. মখোয় হিন্দু ধর্ম চতপা ভৈস্নব ভক্তাশিংনি. মফম অসিদা মৈতৈ পাঙল, নগা, কাবুই, গাংতে, কোমনচিংবা ট্রাইবেল অমসুং অতোপ্পা জাতি কয়াসু খুনদাই. বিষ্ণুপরগী প্রজা অয়াম্বগী হিংনবা শীনফমদি লৌ উবনি. খ্বাই ময়া্ম্না শকখংনরবা লাই হরাওবা য়াওনা চহী অমদা কুম্মৈ কয়ামরুম পাংথোকই মফম অসিগী মীশিংনা.

বিষ্ণুপুর দা চতনবগী খ্বাইদগী ফবা মতম

বিষ্ণুপুর দা চতনবগী খ্বাইদগী ফবা মতম অসি ওক্তোবরদগী ফেবরুবারি ফাওবনি.

ঙাংনবা লোন

মনিপুরি অমসুং ইংলিশনা মনিপুরগী মরুওইবা লোন ওই.

হবা-নুংশিত

বিষ্ণুপুর জিলা অসি জুনদগী সেপ্টেম্বর ফাওবা মোনসুনগী হবা-নুংশিত ফংই. জিলা অসি নিংথমথাগী মতমদা য়াম্না ইংবা অদুগা কলেনগী মতমদনা শাই. মফম অসি  মেদগী সেপ্টেম্বর ফাওবা অসিনা খ্বাইদগী শাবা অদুগা দিসেম্বরদগী জনুবারি ফাওবনা খ্বাইদগী ইংই.

তুরেল

জিলা অসিদা চেল্লিবা তুরেল মচা খরদি থোংজাওরোক, সুনুসিফাই, নম্বোল, য়াঙ্গোইমচা, য়াঙ্গোইচাওবা, খুগা অমসুং ইরম নি. খুগা তুরেল নত্তনা তুরেল অতৈদি টিদ্দিম লম্বীগী নোংচুপ্তা লৈবা চীংশিংদগী হৌরকই অমসুং নোংপোক তম্না চেল্লকলগা লোকতাক পাত্তা তাই.

চীন্জাক

মনিপুরগী মরুওইবা চীন্জাকশিংদি চাক, ঙা, মখল-মখা কয়াগী মনা-মশীংশিংনি. মনিপুরিশিংগী খ্বাইদগী পাম্বা চীন্জাকশিংগী মনুংদা অমদি ঙারিনি, মসি পত্থা পুমথহন্দুনা শেম্বা ঙা মখল অমনি. মসি অখন্নবা মনম চেন্বা অদুবু মহাওগীদমক্তদি য়া্ম্না পা্ম্নৈ.

লমদমসিগী পাম্বী অমসুং শা-ঙা

কৈবুল লমজাও নেসনেল পার্ক অসি বিষ্ণুপুর জিলাগী অমত্তা ঙাইরবা অতাওবা সেঙ্কচুবারি অমনি. স্কুবার কি.মি. ৪০ পাক চাওবা পার্ক অসিদা মশিং য়ামদবা পৃথিবীগী অতৈ মফমদা ফংদবা অতাঙবা মখলগী শজি শঙাই লৈ. পার্ক অসি লোক্তা পাত্তা লৈ. মসি খৃঃ ১৯৬৯ দা সেঙ্কচুবারি ওইনা লাওথোকলবা মতুং খৃঃ ১৯৬৯ দা কৈবুল লমজাও নেসনেল পার্ক ওল্লি.

পাম্বী

কৈবুল লমজাও নেসনেল পার্ক অসি অতাওবা ফুমদিশিং লৈ. মসিদা ইশিংদা হৌবা পাম্বী মখল ২৩০ রোম লৈ. মখোয়শিংগী মুনংদা ইশিং কম্বোং, খোইমোম, শিঙনাং, ফুমহা, তিনথৌ, পুল্লৈ, কাবোকং, লোকলৈ, থম্বাল, তৌনচিংবা মরাং কাইনা ফংই.

শা-ঙা

শঙাই অসিদা নত্তনা কৈবুল লমজাও নেসনেল পার্ক অসিদা অতোপ্পা অতাংবা শা খরসু ফংই. মফম অসিদা  জীবা মখল ৪২৫ রোম লৈ. ২৪৯ না য়াংলেন শরু পানবা অদুগা ১৭৬ না য়াংলেন শরু পান্দবা. জীবা মখল ৩৫ না মতম অমদা মরাং কাইনা ফংলম্বগী পাও লৈরসু হৌজিক্তি তপন-তপনা মু্ত্থরকলি.

লোক্তাক পাত্তা ঙা মখল ৬৪ রোম ফংই. পাত অসিদগী চহী খুদিংগী ঙা তোন ১৫০০ রোম পুথোকই.

কৈবুল লমজাও য়েংনবা খ্বাইদগী ফবা পাম্বৈদি হি তোংবনি.